فرجان
FIRJAN
مجتمع قطري مجهول — بلا اسم ولا صورة ولا تسجيل دخول
راسلنا بأي وقت — نرد بأسرع ما نقدر
team@firjan.appهذا بريد الدعم الرسمي لفرجان
فرجان تطبيق مجتمع قطري مجهول تمامًا — بدون اسم ولا صورة ولا تسجيل دخول. تقدر تنشر وتصوّت وتتفاعل مع أهل فريجك، وتلعب ألعاب جماعية لحظية مع ربعك.
ما فيه حساب ولا تسجيل دخول أصلاً. فرجان مجهول بالكامل: جهازك ياخذ هوية عشوائية تلقائيًا أول ما تفتح التطبيق. يعني ما تحتاج إيميل ولا رقم ولا كلمة مرور.
من داخل التطبيق: حسابي ← «احذف حسابي». يحذف منشوراتك وردودك وتصويتاتك ورسايلك وصورك.
الحذف يبدأ بمهلة استرجاع ٣٠ يوم: حسابك ينطفي فورًا ويختفي من التطبيق، وتقدر ترجّعه خلال المهلة بكود الاسترجاع اللي يعطيك إياه التطبيق وقت الحذف. بعد الـ٣٠ يوم يصير الحذف نهائيًا وما يمكن التراجع عنه.
يُستثنى من الحذف المحتوى المبلّغ عنه وسجلات البلاغات والحظر — نحتفظ فيها ١٢ شهرًا لأغراض السلامة، وهذا مذكور في سياسة الخصوصية.
زر الإبلاغ موجود على كل منشور وتعليق ورسالة، وعلى كلام الطاولة داخل الألعاب. وتقدر تحظر أي عضو مسيء فورًا فينخفي عنك كل محتواه.
المحتوى اللي يجمع بلاغات من ٣ أشخاص مختلفين ينخفي تلقائيًا لين المراجعة. ومع تكرار المخالفات ينحظر الجهاز: أسبوع، ثم شهر، ثم نهائيًا.
الذهب في فرجان يُكتسب من داخل التطبيق باللعب والتفاعل — ما فيه شراء داخل التطبيق حاليًا. إذا انضافت المشتريات لاحقًا فتكون كلها عبر متجر آبل، وهم اللي يتحكمون بالفوترة والاسترداد حسب سياساتهم.
لو ضاع منك ذهب أو صار خطأ في رصيدك، راسلنا وبنراجعه.
لو تشوف محتوى داخل فرجان يتعدّى على حق ملكية أو علامة تجارية أو حق نشر يخصّك، راسلنا على team@firjan.app واذكر الحق والرابط وما يثبت إنه لك. نراجع بلاغك ونتخذ الإجراء المناسب.
اطّلع على سياسة الخصوصية وشروط الاستخدام الكاملة. نفس النصوص متوفرة داخل التطبيق في: حسابي ← قانوني.